Jamhuri ya Muungano wa Tanzania Ofisi ya Rais Tawala za mikoa na Serikali za Mitaa Halmashauri ya Wilaya ya Maswa

Ziara ya ukaguzi wa Miradi ya maendeleo Wilayani Maswa

Posted on: December 21st, 2021

Leo tarehe 21/12/2021 Kamati ya Siasa Mkoa wa Simiyu imefanya ziara ya kukagua miradi ya maendeleo inayotekelezwa Wilayani Maswa.

Miradi iliyokaguliwa ni ya Ujenzi wa vyumba vya Madarasa iliyofadhiliwa na IMF, Mradi wa Maji na Ujenzi wa Mitaro ya kupitisha maji katika Barabara za mjini Maswa.

Kamati hiyo imekagua ujenzi wa vyumba vya Madarasa katika shule za Sekondari tano ambazo ni Malampaka vyumba viwili, Isanga vyumba viwili, Nyalikungu vyumba viwili, Mwakaleka vyumba viwili, Binza vyumba vitatu na Zanzui chumba kimoja. Ujenzi huo uko katika hatua mbalimbali za ukamilishaji.

Kamati imetoa pongezi kwa wasimamizi na wanaofanya kazi hiyo kuwa kazi ni nzuri. Pia wametoa maagizo kazi kufanyika haraka ili ikamilike na kukabidhiwa kwa wakati.