DC Anney, azindua chanjo ya Mifugo wilayani Maswa

Posted on: August 30th, 2025

Halmashauri  ya  Wilaya  ya  Maswa  Mkoa  wa  Simiyu  imezindua  chanjo  ya  Mifugo  kwa  ajili  ya  kukinga  mifugo  dhidi  ya  magonjwa  mbalimbali ikiwemo homa ya mapafu kwa Ng’ombe. Mifugo inayotarajiwa kuchanjwa ni Ng’ombe, Mbuzi, Kondoo na Kuku.

Akizindua  zoezi  la  chanjo  hiyo, Mkuu  wa  wilaya  ya  Maswa  Mhe  Dkt  Vicent  Naano  Anney amesema  lazima  zoezi hili  linasimamiwe  vyema  ili  mifugo yote  ichanjwe  kwani  ni  lazima  wala siyo  hiari. 

Akisisitiza alisema “Zoezi la chanjo ya Mifugo siyo la hiari ni lazima maana lipo kisheria na linasaidia kupunguza magonjwa ya mlipo kwa mifugo hivyo Wafugaji wote muone umuhimu wa zoezi hili kwakuwapeleka mifugo wenu wakapate chanjo”  Dc Maswa Dkt Vicent Anney 

Pia  amewashauri  wafugaji kutafuta  mbegu  bora  za  mifugo  ili kuleta  ushindani  katika  soko la  nyama  nje  ya  nchi na  kuongeza  uchumi na  tija  kwa  wafugaji  huku  akiagiza wataokaidi kuchanja  mifugo  yao  wapelekwe Mahakamani  kwa  hatua za  kisheria. 

 Naye Daktari  wa  Mifugo katika  Halmashauri  ya  Wilaya  ya  Maswa  Dkt Charles  Msira ametaja idadi ya  mifugo  na malengo waliyojiwekea  katika  kufanikisha  zoezi  hilo  la  uchanjaji wa  mifugo. Aidha Dkt Msira amesema  kuwa  chanjo  hii  ni  Muhimu  kwa  mifugo  kwani  itaenda kudhibiti milipuko  ya  magonjwa  ya  mifugo, kuongeza  uzalishaji wa  mazao ya  mifugo yenye  Ubora  na  Salama  kwa  watumiaji  huku akitaja  hasara  za  kutochanja  mifugo.

Nao  baadhi  ya  wafugaji wa  Kata ya  Nyabubinza  wakaelezea  furaha  yao baada  ya  kuletewa huduma  ya  chanjo  katika eneo lao huku wakilinganisha hapo  awali  walikuwa  wanapoteza  mifugo  kutokana  na  magonjwa mbalimbali  na  kutumia  fedha  nyingi  kutibu mifugo  yao.