Timu ya menejimenti yatembelea minada ya Senani na Shanwa

Posted on: October 8th, 2023

Minada ya Senani na Shanwa ni miongoni mwa minada mikubwa iliyopo katika Wilaya ya Maswa ambayo inatoa huduma kwa wafanyabiashara na wananchi kutoka maeneo mbalimbali ya ndani ya Wilaya na Wilaya jirani za Mkoa wa Simiyu na Kishapu ya Mkoa wa Shinyanga lengo ni kufanya biashara ya mifugo, nafaka na bidhaa nyingine nyingi.

Kwa kutambua umuhimu wa minada hiyo katika kuchangia mapato ya Halmashauri Mkurugenzi Mtendaji wa Halmashauri ya Wilaya ya Maswa Ndg. Maisha Mtipa pamoja na wakuu wa Divisheni na vitengo wametembelea minada hiyo ili kufuatilia ukusanyaji wa mapato katika minada hiyo.

Pia wakiwa katika minada hiyo wamekagua risiti na kuhakikisha wafanyabiashara wote waliopo katika minada hiyo wanalipa ushuru kwa manufaa ya kuongeza mapato ya Halmashauri na taifa kwa ujumla.