Jamhuri ya Muungano wa Tanzania Ofisi ya Rais Tawala za mikoa na Serikali za Mitaa Halmashauri ya Wilaya ya Maswa

Mkurugenzi atembelea shamba la kijiji Mwabagalu

Posted on: July 15th, 2019

Mkurugenzi Mtendaji wa Halmashauri ya Wilaya ya Maswa Dr. Frederick D. Sagamiko ameungana na wananchi wa kijiji cha Mwabagalu kukomboa shamba la kijiji lenye ukubwa wa ekari 25 lililokuwa limeuzwa kinyemela na mwanakijiji akishikiliana na baadhi viongozi wa kijiji hicho.

Akiongozwa na Wananchi wa kijiji hicho amekagua shamba hilo. Shamba hilo la kijiji liliuzwa kinyemela bila wananchi kijijini hapa kushirikishwa wamesema wananchi wakati wakiongea na Mkurugenzi Mtendaji katika eneo la shamba hilo. Baada ya ukaguzi huo Mkurugenzi Mtendaji amekubaliana na Wananchi kuwa shamba hilo ni mali ya kijiji na si mali ya mtu binafsi.