Katibu Mkuu Wizara ya Viwanda Wilayani Maswa

Posted on: May 29th, 2020

Katibu Mkuu Wizara ya Viwanda na Biashara Prof. Riziki Shemdoe ametembelea Miradi ya kimkakati ya ujenzi wa Kiwanda cha chaki na kiwanda cha Vifungashio vilivyoko eneo la Ng'hami. Pamoja na kutembelea miradi ya kimkakati amefanikiwa kukagua na kuona utekelezaji wa kiwanda cha Unga Lishe kilichoko katika kijiji cha Njiapanda Kata ya Isanga.

Ameushukuru uongozi wa Wilaya ya Maswa kwa hatua iliyochukuliwa ya kutekeleza suala la ujenzi wa Viwanda. Pia amepongeza uongozi huo kuchukua hatua ya kutekeleza maelekezo ya Mhe. Rais wa Jamhuri ya Muungano wa Tanzania Dr. John Pombe Magufuli alipotembelea kiwanda kiwanda cha chaki. Kipekee amewashukuru SUMA JKT kwa kazi nzuri wanayoifanya ya ujenzi wa kiwanda cha chaki na vifungashio.

Ameahidi kuishawishi Wizara ya Elimu kununua chaki zinazotengenezwa katika Viwanda vyetu vya ndani na kuzisambaza kwenye shule zetu nchi nzima.

Ametoa maelekezo ya kufanyiwa kazi ili kuendeleza viwanda vyetu kama ifuatavyo: i. TILDO waje kuona kama wanaweza kuongeza  Teknolojia ya Biogas. ii. Halmashauri iendelee kutoa elimu na kuunganisha vikundi vidogo vidogo ili kuviendeleza.