Kamati ya Fedha Utawala na Mipango yatembelea kiwanda cha Viatu Moshi

Posted on: July 22nd, 2022

Kamati ya Fedha Utawala na Mipango imefanya ziara ya kwenda kujifunza jinsi ya uendeshaji wa Viwanda katika Kiwanda cha Bidhaa za ngozi Kilimanjaro.

Katika ziara hiyo Kamati imekutana na Kamati Tendaji ya Manispaa ya Moshi kabla ya kutembelea kiwanda ambapo Mwenyeketi wa Halmashauri ya Wilaya ya Maswa Mhe. Paul Simon Maige ametoa neno kuhusu lengo la safari ambalo lilikuwa ni kufika kujifunza na kupeana uzoefu juu ya usimamiaji na uendeshaji wa Viwanda. Akitoa neno la ukaribisho Kaimu Mkurugenzi wa Manispaa ya Moshi  ameshukru kwa ujio na kukaribisha Wageni mjini Moshi. Ameeleza pia juu ya zawadi walizopata Maswa na walichojifunza wameishaanza utekelezaji ambapo wiki ijayo watafungua kampuni yao itakayosimamia masuala ya Viwanda katika eneo lao.

Akitoa taarifa ya Kiwanda Mkurugenzi wa Kiwanda ametoa historia fupi ya mradi kuwa ulianzishwa mwaka 1978 na Baba wa Taifa Hayati Mwl. Julius Kambarage Nyerere katika eneo la Gereza la Karanga kwa ajili ya kutengeneza viatu. Mradi wa kiwanda cha bidhaa za Ngozi cha Kimataifa cha Kilimanjaro (KLICL) unaendeshwa kwa ubia kati ya Mfuko wa Hifadhi ya Jamii wa Watumishi wa Umma (PSSSF) na Jeshi la Magereza kupitia kampuni yake ya Prison Corporation Sole (PCS).  Utekelezaji wa mradi huu unafanywa chini ya Kampuni ya ubia ijulikanayo Kilimanjaro International Leather Industries Co. Ltd (KLICL). Katika ubia huo Mfuko wa PSSSF unamiliki 86% ya hisa za Kampuni na Jeshi la Magereza linamiliki 14%.

Kampuni ya KLCIL inasimamia viwanda vya Kutengeneza Viatu, Soli, bidhaa za ngozi ( Ndala, mikanda, mabegi na pochi) na kuchakata ngozi. Ameshauri Wafugaji wafuge mifugo vyema kwa ubora ili ngozi za mifugo wao zipate soko. Akisisitiza amesema ngozi za mifugo wa kanda ya Ziwa na Nyanda za juu kusini zina ubora kwa hiyo ni nzuri kwa ajili kutengenezea viatu na bidhaa nyingine ukilinganisha na zinazopatikana katika kanda ya Kaskazini kutokana na hali ya hewa na malisho. Amesema ngozi za mbuzi ni nzuri kwa ajili ya kutengeneza viatu vya wanawake. Kwa msisitizo mkubwa amesema ili kampuni iweze kusimamia vema Viwanda Viongozi wake wanatakiwa wasiwe na mtazamo wa Kiserikali bali wanaojali kazi hii ndio inayowafanya wapate riziki ya kila siku.

Baada ya taarifa wenyeji walitupitisha sehemu mbalimbali kuona kazi zinazofanyika.

             Wajumbe wa Kamati ya FUM wakiwa safarini wakati wa ziara yao huko Moshi Kilimanjaro 22/07/2022

             Picha ya Pamoja ya Kamati ya FUM Maswa na CMT ya Manispaa ya Moshi 22/07/2022

  Mwenyekiti akisaini kitabu cha Wageni baadaya kukaribishwa kiwandani 

Mkurugenzi wa kiwanda cha bidhaa ya ngozi wa pili  kushoto akitoa taarifa fupi kwa Kamati ya FUM iliyotembelea kiwandani hapo 22/07/2022

Wajumbe wa Kamati ya FUM wakipokea taarifa kwa makini wakati Mkurugenzi wa Kiwanda akitoa taarifa 22/07/2022

Wajumbe wa FUM  wakipata maelezo wakati wa kuangalia shughuli mbalimbali zinazofanyika kiwandani hapo

Wajumbe wa FUM wakiangalia baadhi ya bidhaa zinazozalishwa kiwandani hapo 22/07/2022