DC Maswa atembelea miradi ya maendeleo

Posted on: February 22nd, 2023

Mkuu wa Wilaya ya Maswa Mkoa wa Simiyu  Mhe. Aswege Kaminyoge amekagua miradi ya maendeleo inayotekelezwa katika Wilaya ya Maswa na kuwaomba wataalamu kusimamia miradi  hiyo ili iweze kukamilika kwa wakati na kwa ubora unaotakiwa.

Akiwa katika ziara hiyo iliyofanyika leo tarehe 22 februari 2023 ya kukagua miradi Mhe. Mkuu wa Wilaya aliambatana na kamati ya ulinzi na usalama ya Wilaya ya Maswa, wataalamu kutoka Halmashauri ya Wilaya ya Maswa.

Mhe. Kaminyoge amekagua ujenzi wa zahanati ya Nguliguli iliyopo Kata ya Nguliguli unaohusisha ujenzi wa jengo la wagonjwa wa nje (OPD), Jengo la Cliniki (RHC) na ujenzi wa nyumba moja ya mtumishi na ujenzi wa vyoo ambapo ujenzi wake umefikia hatua ya ukamilishaji.

Mradi huo wa ujenzi wa zahanati hiyo unatekelezwa kwa fedha za Global Fund ambapo kiasi cha shs 271,096,536/= kimetolewa katika mradi huo na mpaka sasa mradi huo umetumia shs 144,610,043.98/=, ujenzi wa shule mpya msingi Mwabaraturu iliyopo kata ya Mpindo inayohusisha vyumba 9 vya madarasa, jengo la utawala 1 na matundu ya vyoo 30 katika Halmashauri ya Wilaya ya Maswa.

Mradi huo wa ujenzi wa shule hiyo unatekelezwa na serikli kuu  ambapo shs 250,000,000/= zimetolewa kutekeleza mradi huo na shilingi milioni saba zimetolewa na mfuko wa jimbo kwa ajili ya kukamilisha ujenzi wa madarasa mawili yaliyojengwa na wananchi. Pia ametembelea ujenzi wa jengo la kufulia nguo katika  Kituo cha Afya Zebeya.

 Pia Mhe Mkuu wa Wilaya alitembelea shule ya sekondari Ipililo, kituo cha afya Ipililo pamoja na bwawa la Zebeya  kuona huduma zinavyotolewa katika maeneo hayo.

Mhe kaminyoge  amesema serikali imetoa fedha ili kuboresha sekta  ya elimu na afya hivyo amewasisitiza mafundi wote kuhakikisha wanajenga kwa viwango ili majengo hayo yaweze kudumu kwa muda mrefu na kukamilika kwa muda uliopangwa.