Mkuu wa Wilaya ya Maswa Mhe. Aswege Kaminyoge anawakaribisha wananchi wote wa Wilaya ya Maswa kuja kushiriki katika shamrashamra za kuupokea Mwenge wa Uhuru, kuukimbiza katika maeneo mbalimbali Wilayani hapa wakati ukipita kukagua, kutembelea, kuona, kuweka mawe ya msingi na kuzindua miradi mbalimbali ya Mandeleo siku ya Tarehe 26/7/2023.
Shamrashamra za Mapokezi ya Mwenge wa Uhuru 2023 zitafanyika katika Kijiji cha Sangamwalugesha Kata ya Sangamwalugesha kuanzia saa 12.00 asubuhi na Mkesha utakuwa katika Kijiji cha Malampaka Kata ya Malampaka. Karibu tuushangilie, tuupokee, tuukimbize na tusherehekee pamoja.
Mwenge utapita katika Kata zifuatazo; Sangamwalugesha, Lalago, Mbaragane, Sukuma, Ng’wigwa, Nguliguli, Zanzui, Sola, Nyalikungu, Shanwa, Binza, Buchambi, Busangi, Isanga, Badi, Malampaka na Masela
Kauli Mbiu ya Mwaka huu inalenga Mabadiliko ya Tabia ya Nchi, Hifadhi ya Mazingira na Utunzaji wa vyanzo vya Maji yenye ujumbe;
“Tunza Mazingira, Okoa Vyanzo vya Maji kwa Ustawi wa Viumbe Hai kwa Uchumi wa Taifa”
JUMBE MBALIMBALI ZA MWENGE:
“Kuzuia Rushwa ni Jukumu lako na langu; tutimize wajibu wetu”
“Imarisha Usawa; tokomeza ukatili wa kijinsia na unyanyapaa”
“Lishe ni Msingi wa maendeleo; sote tuwajibike”
“Ziro Malaria inaanza na Mimi – nachukua hatua kuitokomeza”
“Tukabiliane na Changamoto za Dawa za kulevya wakati wote; kwa ustawi wa Jamii”
