WAZIRI AWESO AWAPONGEZA SUNGUSUNGU WA MASWA KWA KULINDA AMANI NA USALAMA

Posted on: October 28th, 2024

Waziri wa maji Jumaa Aweso amewapongeza viongozi wa jeshi la Sungusungu kwa kutengeneza jeshi ambalo lipo tayari kuwa  mstari wa mbele kulinda amani na Usalama wa Taifa la Tanzania .

Ameeleza kuwa jeshi hilo ni la mfano na linatakiwa kuigwa kwa kuwa linafanya kazi pamoja na Rais Samia Suluhu Hassan katika kutekeleza majukumu ya ulinzi na Usalama wa Taifa.

Mhe Aweso amesema hayo wakati akizungumza na jeshi hilo la sungusungu katika Kata ya Seng’wa Wilayani Maswa.

Pia Mhe Aweso ametoa pongezi kwa Sungusungu kwa kuonyesha moyo  wa kizalendo  ujasiri kwa ajili ya kulilinda Taifa katika ngazi hiyo ya chini .

"Ulinzi wa Taifa letu unaanzia kwa wananchi wenyewe wakiwemo wanasungusungu mmeonyesha uzalendo mmeonyesha utayari, mmeonyesha ujasiri wa kulilinda Taifa letu lakini pia kumlinda Rais wetu." Ameeleza Mhe. Aweso

Pia Waziri Aweso amechangia shilingi milioni mbili kwa ajili ya kuliunga mkono jeshi hilo kwa kazi kubwa inayofanyika ya kulinda amani na usalama.