RC KIHONGOSI AWATAKA WANANCHI KUCHAGUA VIONGOZI BORA

Posted on: September 27th, 2024

Mkuu wa Mkoa wa Simiyu Mhe Kenani Labani Kihongosi ametoa wito kwa wananchi wa Maswa Mkoani Simiyu kujitokeza kwa wingi katika zoezi la uchaguzi wa Serikali za Mitaa litakalofanyika 27 Novemba 2024

Mhe Kihongosi amewaomba wananchi kuchagua viongozi Bora na sio Bora kiongozi wenye sifa, uwezo na maarifa,  ambao watashirikiana na serikali kupeleka  maendeleo katika kijiji, kitongoji na Kata husika katika eneo hilo.

"Ukijipima ukaona una uwezo nenda kavute fomu gombea mwenyewe na kama mnaona kuna watu wazuri Wana uwezo, Wana dhamira ya dhati ya kutumikia wananchi wapeni nafasi Waende kuongoza." Amesema Mkuu wa Mkoa

Mhe Kihongosi amesema hayo wakati wa ziara yake ya kusikiliza na kutatua kero za wananchi katika Kata za Mpindo Senani Ipililo na Nguliguli zilizopo Wilayani Maswa Mkoani Simiyu Leo tarehe 27 septemba 2024.

Kauli mbiu "Serikali za Mitaa, Sauti ya Wananchi Tujitokeze Kushiriki Uchaguzi"