Mkuu wa Wilaya akutana na waendesha Bodaboda na Baiskeli

Posted on: March 19th, 2019

Mkuu wa Wilaya ya Maswa Mhe. Dr. Seif Shekarage leo tarehe 19/3/2019 amefanya kikao na waendesha pikipiki na baiskeli mjini hapa ili kukumbushana masuala ya usalama katika kazi zao.

Amewakumbusha kupitia uongozi wao waweze kufahamiana ili kurahisisha kubaini watu wabaya kati yao. Pia amewataka kuwa makini na kuwatambua abiria wao pindi wanapotaka kutoa huduma kwa wateja wao, kama ikitokea mwendesha Bodaboda au Daladala kutokuwa na imani na abiria wake asisite kutoa taarifa polisi kwa hatua za kiusalama kuchukuliwa.

Kikao hicho amewakumbusha pia umuhimu wa kuchukua vitambulisho vya ujasiliamali ambapo wamekubaliana na kuahidi kufikia Mwezi April watakuwa wameishachukua wote.

Mwisho amewahimiza kusimamia sheria kwa ajili ya faida yao na ya abiria wao pia wakati wawapo kazini.