MAUWASA yaleta bei mpya ya maji

Posted on: February 14th, 2019

Leo MAUWASA imefanya kikao na wadau pamoja na watumiaji wa maji Wilayani Maswa kuhusu ombi la kurekebisha bei ya majisafi.

Mamlaka ya majisafi na usafi wa mazingira Maswa ni mradi wa Maji wa Kitaifa miongoni mwa miradi 8 ya Maji ya Kitaifa iliyoko Tanzania Bara. Miradi mingine ya kitaifa ni KAHAMA SHINYANGA (KASHWASA), Handeni Trunk Main (HTM), Chalinze (Pwani), Mugango /Kiabakari (Mara), Masasi-Nachingwea, Makonde (Mtwara) na Wanging’ombe (Njombe). Mradi wa Maji Maswa unahudumia mji wa Maswa na vijiji 11 vya Zanzui, Malita, Dodoma, Mwabayanda, Mwasita, Mwabujiku, Hinduki, Buyubi, Mwadila, Iyogelo na Ng’wigwa.

Awali Mamlaka hizi gharama zake za uendeshaji na matengenezo zilikuwa zinachangiwa na Serikali hasa kulipa mishahara ya watumishi na kulipia bili za umeme. Lakini kwa sasa Mamlaka hizi zimetakiwa kujitegemea.

Gharama za huduma za majisafi  zinazotumika kwa sasa zilipitishwa mwaka 2009 na tangu hapo mbali na gharama za vipuli, umeme, mabomba na viungio vyake, madawa ya kutibu maji, bidhaa za petrol  kupanda mwaka hadi mwaka gharama hizi zimebaki palepale.

Kufuatia mabadiliko haya gharama zinazotumika sasa zinashindwa kukidhi gharama za uendeshaji na matengenezo pamoja na uwekezaji mdogomdogo. Aidha, Mamlaka inatakiwa kuanza kujitegemea kwenye gharama zote za uendeshaji zilizokuwa zikichangiwa na Serikali ili kuiacha Serikali kuendelea na uwekezaji katika miradi mipya. 

Kwa maelezo zaidi soma Taftishi kuhusu ombi la mabadiliko ya bei.pdf  na  Tangazo la EWURA.pdf