Kamati ya Lishe Wilaya yatembelea Kiwanda cha Unga Lishe

Posted on: July 16th, 2020

Wajumbe wa kamati ya Lishe Wilaya ya Maswa wamefanya ziara katika kiwanda cha kusindika ungalishe kilichoko katika kijiji cha Njiapanda Kata ya Isanga Wilayani Maswa.

Katika ziara hiyo hapo kiwandani wamepata maelezo toka kwa mtaalamu wa tekinolojia ya chakula ya kuwa kabla ya kupata unga wa viazi lishe kuna hatua mbalimbali zinazopitiwa;  ambazo ni 

    (i) Mapokezi ya viazi kutoka kwa Wakulima

    (ii) Uchambuzi wa viazi vinavyofaa (Sorting)  

    (iii) Kuosha viazi (Cleaning) 

    (iv) Kutengeneza michembe (Slicing)

    (v) Kukausha michembe (Drying)

    (iv) Kusindika au kusaga unga (Processing) 

   (vii) Kufungasha unga kwenye mifuko (Packaging)

Aina za Unga unaozalishwa katika kiwanda hiki

• Unga wa watoto wenye umri wa miezi 6 hadi 24 (Viazi, mahindi, ufuta na mbegu za maboga)
• Unga wa uji wa familia (Viazi, Mahindi, Ufuta, ulezi na mbegu za maboga )
• Unga wa viazi lishe pekee
• Unga wa kuoka ( Baking flour) unaotumika kutengeneza Andazi, Mikate na Chapati

Wajumbe wa kamati ya lishe kwa kushirikiana na Idara ya Kilimo wameombwa kuhamasisha kilimo cha mazao ya ufuta, ulezi na maboga ambayo kuanzia mwezi wa Oktoba malighafi huwa ya shida kupatikana kwa sababu ni wakulima wachache wanaolima mazao hayo.