DC KAMINYOGE AWAHAMASISHA WANANCHI WA JIJA KUJIANDIKISHA KWENYE ORODHA YA DAFTARI LA MKAZI

Posted on: October 17th, 2024

Mkuu wa Wilaya ya Maswa Mhe. Aswege Kaminyoge amekutana na wananchi wa Kata ya Jija kwa ajili ya kuwahamasisha kujiandikisha katika dafatari la mkazi ili waweze kupata haki yao ya kikatiba ya kuchagua viongozi katika uchaguzi wa serikali za mitaa utakaofanyika 27 Novemba 2024.

Mkuu wa wilaya amesema hayo wakati akizungumza na wananchi katika Gulio la Jija ambapo amewaeleza wananchi tofauti ya zoezi la uboreshaji wa daftari la kudumu la mpiga kura na zoezi la uandikishaji wa orodha ya daftari la mkazi.

“Zoezi ninalowahamsisha  na kuwaelimisha ni zoezi ambalo wananchi wote wenye umri kuanzia miaka 18 na kuendelea wakajiorodheshe kwenye vituo  vya mpiga kura kwa ajili ya uchaguzi wa mwezi ujao wa tarehe 27, Novemba  2024.” Amesema Mhe. Kaminyoge